031 - Benem sâhib-kırân devrân benümdür

Mefâ'îlün Mefâ'îlün Fe'ûlün 

1 Benem sâhib-kırân devrân benümdür

Benem key pehlevân meydân benümdür

2 Harâmîden benüm korkum kayum yok

Bu zûr u bu kuvvet Hak'dan benümdür

3 Ebu Bekr ü 'Ömer ol dîn ulusı

‘Aliyy-i Murtaza ‘Osmân benümdür

4 Topı kim alısar çevgânumuzdan

Bu çevgân topıla meydân benümdür

5 Bana gelsün yohsul olan bay ola

Bu mâl u ser-mâye dükkân benümdür

6 Hasan'dur cismüm içre nûr-ı îmân

Hüseyn-i sâhibü'l-'irfân benümdür

7 Yûnus'am ben Yûnus iş bu cihânda

Benem sultân kulı sultân benümdür

Günümüz Türkçesi

1. Kutlu cihangir benim, devran benimdir. Baş pehlivan benim, meydan benimdir.

2. Benim, haramiden korkum ve kaygım yok. Hak'tan gelen bu güç kuvvet benimdir.

3. Ebu Bekir, Ömer, o din büyüğü Aliyy-i Murtaza ve Osman benimdir.

4. Çevgânımızdan topu kim alabilir? Bu çevgân ve top ile meydan bizimdir.

5. Yoksun olan zengin olmak için bana gelsin. Bu mal, sermaye ve dükkân benimdir.

6. Cismimin içinde iman nuru olan Hasan vardır. İrfan sahibi Hüseyin benimdir.

7. Yunusum ben Yunus, işte bu dünyada sultan kulu benim, sultan benimdir.