068 - Dürlü dürlü cefânun adını ‘ışk virmişler

1 Dürlü dürlü cefânun adını ‘ışk virmişler
Bu cefâya katlanan dosta halvet irmişler

2 Her kim ‘ışka irişe ‘ışk anunla barışa
Kim ‘ışka müşteriyse cânına od urmışlar

3 Her kim ‘ışka sataşdı ol dem kaynadı taşdı
Kim delü dir kim uslu dört yanında turmışlar

4 ‘Işk durur âfet belâ döndürür hâlden hâle
Dost elinden piyâle hoş melâmet olmışlar

5 ‘Işkdur Yûnus'un cânı başında ser-encâmı
‘Işka münkir âdemi bu meydândan sürmişler