084 - Bu dervîşlik turagı bir ‘acâyib turakdur

1 Bu dervîşlik turagı bir ‘acâyib turakdur
Dervîş olan kişiye evvel dirlik gerekdür

2 Çün anda dirlik ola Hakk'ıla birlik ola
Varlıgı elden koyup ere kullık gerekdür

3 Kullık eyle erene şarkdan garbı görene
Senden haber sorana key miskînlik gerekdür

4 Miskîn olugör bâri benlikden ırak yüri
Gönlinde benlik olan dervîşlikden ırakdur

5 Hak ere benüm didi varlıgın erde kodı
Erenlerün himmeti yirden göge direkdür

6 Bu dervîşlik berâtın okımadı müftîler
Kim ne biliser bunı bir ‘acâyib varakdur

7 İy Yûnus ‘ârifisen anladum bildüm dime
Tut miskînlik etegin âhir sana gerekdür