107 - Senünle birligüm senden ırılmaz

Mefâ'îlün Mefâ'îlün Fe'ûlün

1 Senünle birligüm senden ırılmaz
Hayât senünledür sensüz dirilmez

2 Gözüm içinde sensin bile bakan
Eger sen bakmasan yolum görinmez

3 Benüm münâcâtum senden yanadur
Sana varur yolum sensüz varılmaz

4 Ben beni senden ayru kanda bulam
Ki sensüz Hak nefes ‘ömrüm sürilmez

5 Varlıgum sendendür ben bir âletven
Sun‘ ıssı sunmasa âlet kurılmaz

6 Âlet ü hareket kamu senündür
Anunçün işüne kimse karılmaz

7 Sefer kılsam bana yoldaş olursın
Karâr itsem yine sensüz turılmaz

8 Birligünden öte hîç şerîkün yok
Kim noksân irgüre hükmün yoyılmaz

9 ‘Âlem halkı zebûn emrün içinde
Kimdür ki kullıga boynı burılmaz

10 Bu ben ben didügüm eger ben isem
Bu benligüm bana niçün virilmez

11 Yârânlar saladur kapı açukdur
Bu kapuya gelen mahrûm sürilmez

12 Yûnus bu tevhîde gark oldı gitdi
Girü gelmeklige ‘aklı dirilmez