163 - Senün ben dimekligün ma'nîde usûl degül

1 Senün ben dimekligün ma'nîde usûl degül
Bir kapu kullarına şaşı bakmak yol degül

2 Sen sana yararısan bu sözden tuyarısan
Kancaru bakarısan dimegil sen ol degül

3 Yitmiş iki milletün hem ma‘şûkı ol durur
‘Âşıkı ma‘şûkından ayırmaklık fâl degül

4 Küfrini atar iken îmânun urma sakın
Hırs bizümle düşmândur bilişlüdür il degül

5 İş bu sözden bir haber muhtasârdur muhtasâr
İt bir eri ihtiyâr kahıtlıkdan bol degül

6 Paşa bu kuş dilidür bunı Süleymân bilür
Sana direm iy hâce bu dil tehî dil degül

7 Saga sola bakmadın hoş söyler Tapduk Yûnus
Ol gerçege ‘âşıklar küllî sagdur sol degül