216 - İy ehl olan eydün bana ben niçesi döleneyim

Müstef‘ilün Müstef‘ilün Müstef‘ilün Müstef‘ilün

1 İy ehl olan eydün bana ben niçesi döleneyim
Ne dürlü tedbîr ideyüm ya niçe sagınç sanayım

2 Cânumda ol büt bitüpdür gönülümi ol tutupdur
Hey beni ol avutupdur ayruk neye baglanayım

3 Öyle idüpdür ol beni seçemezem dünden güni
Alsun teni utsun cânı kon ben ana aldanayım

4 Ben gevheriyem kânum ol ben bir kulam sultânum ol
‘Aklum u cânum gönlüm ol andan niçün usanayım

5 Ansuzlıgum bana harâm andan durur nakdüm tamâm
Buncılayın lutf u kerem kanda bulup dinleyeyüm

6 Oldur bana Yûnus diyen oldur benüm bagrum delen
Oldur beni bensüz koyan hem ben olam bu ben neyim