223 - Bu cihâna gelmedin ma‘şûkıla bir idüm

1 Bu cihâna gelmedin ma‘şûkıla bir idüm

Kul huva'llâh sıfatlu bir bî-nişân nûr idüm

2 Ol dem ki dirligidi Hakk'ıla birligidi
Ol pâyânsuz devirde ne Mûsî ne Tûr idüm

3 Bile idüm Hazret'de ol bî-kıyâs kudretde
Ne şerîküm varıdı ne kimseyle yâr idüm

4 Yir gök yaradılmadın Kâlû Belâ dinmedin
Levh-kalem çalınmadın Mi‘râc'a kâdir idüm

5 Niçe kez geldüm gitdüm delim sûret yaratdum
Bu şimdiki devrede Yûnus'a aldar idüm