247 - Andan yigrek ne vardur kişi bile kendözin

1 Andan yigrek ne vardur kişi bile kendözin
Kendözin bilen kişi kamulardan ol güzin

2 Kişi gerek çok bile ol gerek ögüt ala
Menzile irsem diyen bilürsin hazin hazin

3 Bu yol yavlak uzakdur dünyâ ana duzakdur
Bu duzaga ugrayan komaya kılavuzın

4 Ben emîn olsam diyen yâ emînlik isteyen
Geçsün bu kâl ü kîlden topraga ursun yüzin

5 Kim ere kullık ide ol ‘azâbdan kurtıla
Mutlak ol yarlıganur kim görürse er yüzin

6 Yûnus bir haber virür işidenler şâd olur
Gence ugrasam diyen izlesün eren izin