328 - İy ‘ışk delüsi olan ne kaldun perâkende

1 İy ‘ışk delüsi olan ne kaldun perâkende
Ol seni delü kılan yine sendedür sende

2 Dünyâ âhiret ol Hak yir-gök toludur mutlak
Hîç gözlere görinmez kim bilür ne nişânda

3 Her kim anı gördüm dise gerek oda yakalar
Her kim ana şek getürür ne dînde ne îmânda

4 Ger meyhâneye vardum ansuz yir göremedüm
Yine ana sataşdum girdüm dahı külhânda

5 Her kim aradı cismin cisminde buldı hasmın
Ne dünyâ âhret ana ne assı ne ziyânda

6 Bir niçesine kaç dir bir niçesine tut dir
Kaçanla bile kaçar bile turur turanda

7 Ugrı diyü kullarını giriftâr iden ol
Meded idüp irişen gine bile zindânda

8 Eydürler miskîn Yûnus niçün delü oldun sen
Ne ‘akl u ne fehm kalsun iş bu sırrı tuyanda