334 - Bir ‘acâyib ‘ışk geldi bende bu hâl üstine

1 Bir ‘acâyib ‘ışk geldi bende bu hâl üstine
Gönlümi taht eyledi oturdı cân üstine

2 Sen sultânsın ben kulam sen gülsin ben bülbülem
Hükmün ‘âleme yiter ne kim var kul üstine

3 Evvel bahâr olıcak agaçlar tonanıcak
Gör niçe medh iderler bülbüller gül üstine

4 Görürsün ‘âşıkları gezerler halk içinde
Kişi var görmez gözi oturmış yol üstine

5 Sözler eyitdüm diyü Yûnus nükte itmegil
Dahı yigrek eydür var el vardur el üstine