336 - Sen bu cihân mülkine geldüm gelmedüm dime

1 Sen bu cihân mülkine geldüm gelmedüm dime
Dut evliyâ etegin zinhâr elünden koma

2 Gâfil olma ‘ömr geçdi bir niçe yılun aşdı
‘Işkdur kaynadı taşdı buldum bulmadum dime

3 ‘Işk bî-karâr denizdür cânunı ‘ışka yüzdür
Denizde bahrî vardur yüzdüm yüzmedüm dime

4 Gemi denize girdi bir zamân cevlân urdı
Bir gün gemi gark oldı bozdum bozmadum dime

5 Denizde hakâyıklar cevlân urur balıklar
Yûnus deniz mevcine taldum talmadum dime