340 - Bir söz geldi dilüme eydem ölüm üstine

1 Bir söz geldi dilüme eydem ölüm üstine
Gerek sünnî müselmân gerek zâlim üstine

2 Çün va‘de ire câna çıka yukaru hana
Kösülerler ayagum elüm yenüm üstine

3 Beni arı yuyalar meşhedüme koyalar
Kâfirler esirgeye baka hâlüm üstine

4 Vay ki n'ola hâlüm bilinmezise ahvâlüm
Yılan-çıyan karınca üşe dilüm üstine

5 İltüp sine koyalar yine eve geleler
Anca savaş kuralar benüm mâlum üstine

6 İy Yûnus nükte kılma sözler eydürem diyü
Niçe bilürler vardur el var elüm üstine