363 - Ol dost benden yana hîç bilmezin niçe bakdı

1 Ol dost benden yana hîç bilmezin niçe bakdı
İş bu vücûd şehrine bir hoş nazar bırakdı

2 Gözüm anun yüzinden niçe gideribilem
Bin dürlü kılıncıla gönlümi şöyle kapdı

3 Kimden ögüt istersem sabır gösterür bana
Sabrumun perdesini mahabbet odı yakdı

4 Sabrıla benüm işüm niçe varısar başa
Şol dostumun nüvahtı cânuma cân bırakdı

5 Sevdükli sevdügile bile kopısar yarın
Benüm işüm yarına koymaz bugün soyakdı

6 Yûnus sever dostını cânından anuniçün
Kişi neyi severse cânın ana uyakdı