385 - Bu ne gülecek yirdür aglasana key katı

1 Bu ne gülecek yirdür aglasana key katı
‘Azrâîl seni kovar katı cân ‘alâmeti

2 Sanma kalasın bunda gensüz varasın anda
Anca yatasın sinde görince kıyâmeti

3 Mâl u mülkden ayrılup sine varasın turup
Münker ü Nekir gelüp su'âl idiser katı

4 İki ferişteh ine gele karşuna kona
Günâhlarunı yaza sala boynuna biti

5 Günâhlarun tartalar andan Sırât'a ilteler
Zebânîler dutalar figânlar ola katı

6 İsrâfîl sûrın ura halâyık turı gele
Baş açuk yalın ayak ıssılar ola katı

7 Ata oguldan beze bakmaya ana kıza
Şol gün geliser bize unutma ‘arasâtı

8 Yûnus günâhun çokdur sen aglarısan hakdur
Yarın sana gerekdür Muhammed şefâ‘ati