409 - Ne kim senün cevrünile geçürmişem ben günümi

Müstef'ilün Müstef'ilün Müstef'ilün Müstef'ilün

1 Ne kim senün cevrünile geçürmişem ben günümi
'Işkun odı çıkarısar 'Arş'a degin dütünümi

2 'Işkun odı düşdi bana ben yanaram ne gam sana
Yanup içüm kül olmışam gözetme taşra tonumı

3 Yanup oda dirsen girem yatluga baş indürmeyem
Senden yüzüm döndürmeyem çün sana tutdum yüzümi

4 Gündüz hâlüm gören kişi kâfir ise göynür özi
Kim ne bilür ben bilürem kim niçe geçer dünümi

5 Kasdum budur şehre girem feryâd u figân koparam
Yine dönüben korkaram işide düşmân ünümi

6 Eydür Yûnus kim hakîkat ben Mecnûn oldum 'âkıbet
N'ola disen Mecnûn-sıfat hoş tutunuz Mecnûn'umı